Autore: Elena Artaserse –
Cu grandi zelu
ru so terrenu
sempri si curau
e da gramigna
ch’impestava
u campu ru vicinu
allegramenti
sempri si ndi mpipau.
Non dessi mai ‘na manu
pi ‘ncuntrastari a pesti
chi schiantava
e intantu u pover’omu
ruvinava.
A gramigna
nu jornu visita fici
puru ‘o so terrenu
ma tutti furu surdi
e i so preghieri
non eppiru forza
pi ‘nchianari o Cielu.
Sulu si ritruvau
e malirittu
ch’idd’omu senza cori!
Ru ‘so egoismu
si ‘ndi parra ancora
sittati ‘o bar
o supra ‘na panchina
ru giardinu
da Villa comunali.
Poviru dd’omu
chi ‘nda vita sua
sulu ru so orticeddu
si curau!
Misero colui che si trincera nel proprio egoismo!
Quando le avversità della vita si abbatteranno su di lui, il prossimo da egli ignorato non porgera’ una mano per aiutarlo,e addirittura ne ricorderà il comportamento con indifferenza e scherno.
